مطبخ اللواء العربي، سلطة بطاطس بالمايونيز
سلطة بطاطس بالمايونيز🥔
كتبت / داليا فوزى
المكوّنات
1 :2 بطاطس مكعبات متوسطه
1 :2 م ك مايونيز
1 طماطم مكعبات صغيره
قطع صغيره فلفل رومي اخضر مقطع
فلفل ألوان أحمر واصفر مقطع قطع صغيره (اختياري)
2 فص توم
1/2 ليمونة
ملح وفلفل اسود حسب الرغبه
م ص كركم
الخطوات
طبعا انا كنت اصلا بطاطس بتاعتي مسلوقة من غير توابل وجاهزة ف يدوبك بس حطيت عليها رشه الملح والفلفل والكركم
بس في حاله انك عايزة تجربي الوصفة و لسه هتسلقي بطاطس ف هتحتاجي انك تقطعي بطاطس متقشرة مكعبات حله تحطي فيها مية و ملح وفلفل وكركم وهتسيبيها تغلي وبعدين هتنزلي بمكعبات بطاطس وهتسيبيها حوالي من ٥ : ١٠ دقايق المهم انها تستوي بس مش تسوية الكاملة اللي تخليها بتتفتت منك لا مستويه بس لسه محافظه ع شكلها ك مكعب
هنصفي بطاطس
وعلى جنب هندق الفلفل الرومي والالوان والتوم كويس اوي وبعدين هعصر نص ليمونه عليهم ورشه الملح والفلفل وهنزل بالطماطم واخلطهم مع بعض كويس
واجيب بولة احط بطاطس واحط عليه خليط الفلفل والتوم والطماطم و احط عليهم المايونيز بكميه المناسبه ليكي واخليطهم مع بعض كويس وقدميها ف طبق تقديم وبألف هنا ❤️
تعليقات
إرسال تعليق